Thiruparankundram is one of the padai veedu for LORD MURUGA  . This is the first padai veedu for him …This is situated 5 kilometre disturnce from madurai…This is a very important temple for hindus…

 

அறுபடை வீடுகளில்  முதல் வீடு தான் திருபரங்குன்றம் . மதுரையில்  இருந்து  சுமார் 5 கி.மீ  தொலைவில் உள்ளது . 1050 அடி உயரம் உள்ள ஒரு மலை  அடிவாரத்தில் இந்த கோவில் உள்ளது.இது ஒரு குடைவரை கோவில் . மலையை  குடைந்து  தான்  மூல விக்கிரஹம் உருவாக்க பட்டுள்ளது  .நக்கீரர் 2000 ஆண்டுகளுக்கு முன்பு திருபரங்குன்றத்தில் தான் ‘திருமுருகாற்றுப்படை ‘ இயற்றினார்’ திருசெந்தூரில்சூரனை வதம் செய்த பின்பு திருபரங்குன்றத்தில் முருகன் இந்திரனின்  மகள் தெய்வயானையை மணந்ததாக தான் தல புராணம் சொல்கிறது . சன்னதியில்  பிள்ளையார் ,சிவன்,துர்க்கை  விஷ்ணு என தனி தனி  சன்னதிகள் உள்ளது. 2-sivan-with-pittu

மலையை சுற்றி நிறையை சிறு குடைவரை கோவில்களில் உள்ளது . மலையின் பின்புறம் இன்னொரு குடைவரை கோவில் உள்ளது.இந்த கோவில் தென்பரங்குன்றம் என்று அறியபடுகிறது . இந்த சிவன்  கோவிலுக்கு  காசி     விஸ்வநாதர்  கோவில்  என்று பெயர். திருவண்ணாமலை போல இங்கும் பக்தர்கள்  பௌர்ணமி  அன்று கிரிவலம் செல்கிறார்கள் .இந்த கோவில் தற்பொழுது  இந்திய தொல்பொருள் கழகத்தின் கட்டுபாட்டில் உள்ளது .2008020250390301

இந்து மதம் ,புத்த மதம் ,சமணர்கள் குறித்த பல அரிய கல்வெட்டுகள்  இந்த மலையில் உள்ளது.சமணர்களின் படுக்கை என்று அறியப்படும் அரிய கல்வெட்டுகளும் இங்கு உள்ளது .மேலும் இது  மதுரையின் தொன்மையை குறிப்பதும் ஆகும் .மலையின் மேல் புறம்  சமண துறவியின் நின்ற கோல சிலையும்  உள்ளது.காசி விஸ்வநாதகோவில்   அருகில் ஒரு   சுனை உள்ளது .காசி சுனை என்று இது அழைக்கபடுகிறது .இந்த மலையின் மேல் உள்ள குகையில் 18 சித்தர்கள்  சமாதி அடைந்ததாக சொல்லபடுகிறது .இந்த குகைக்கு யாரும் இது வரை   போக முடியவில்லை என்றும் சொல்கிறார்கள் .18 சித்தர்களும் இன்றும் அங்கு இருப்பதாக நம்பபடுகிறது .108675799

திருஞான சம்பந்தர் ,சுந்தர மூர்த்தி நாயனார் ,நக்கீரர் ,அருணகிரிநாதர்  ஆகியோர்  இந்த  தலம் குறித்து பாடல்கள் இயற்றியுள்ளனர் .இந்த மலையின்  இன்னொரு சிறப்பு மலை மேல் ஒரு முஸ்லிம் தர்கா உள்ளது .இந்த பகுதி சிக்கந்தர் மலை என்று அறியபடுகிறது .ஜெட்டாவை சேர்ந்த ஹசரத் சிக்கந்தர் சுல்தான்  பாதுஷாவும் , மதினாவில் இருந்து வந்த ஹசரத் சுல்தான் சையத் இப்ராஹிமும்  9 ஆம் நூற்றாண்டில் இங்கு வந்ததாக சொல்கிறார்கள் .அவர்களின் தர்கா தான் இது .கேரளாவில் இருந்தும் தமிழகத்தில் இருந்தும் எல்லா மதத்தினரும் இங்கு வருகிறார்கள் .திருவண்ணாமலை போல இங்கும் மலை மேல்  திருகார்த்திகை அன்று தீபம் தீபம் ஏற்றுகிறார்கள் .

 

சுவாமி : சுப்பிரமணிய சுவாமி

அம்பாள் : தெய்வானை

தீர்த்தம் : சன்னியாசி தீர்த்தம்,லட்சுமி தீர்த்தம்,சரவண பொய்கை,சத்ய கூபம் உட்பட 11 தீர்த்தங்கள்

தலவிருட்சம் : கல்லத்தி108639738

தலச்சிறப்பு : முருகனின் அறுபடைவீடுகளில் இதுவே முதல் வீடு.இங்குதான் முருகன் தெய்வானையை திருமணம் செய்து கொண்ட நிகழ்வு நடந்ததாகப் புராணங்கள் தெரிவிக்கின்றன. இக்கோவிலில் முருகன் மணக்கோலத்தில் காட்சி தருகிறார். அறுபடைவீடுகளில் இங்கு மட்டுமே முருகன் அமர்ந்த கோலத்தில் உள்ளார். இங்கு முருகனின் வேலுக்கு அபிஷேகம் நடைபெறுவது இன்னொரு சிறப்பு.

தல வரலாறு : முருகப்பெருமான் அவதாரம் செய்ததன் நோக்கமே சூரபத்மனையும், அவனது சேனைகளை அழித்து தேவர்களைக் காப்பதேயாகும். அவ்வண்ணமே முருகப்பெருமான் அவதாரம் செய்து, சூரபத்மனை அழித்து, அவனை மயிலும் சேவலுமாக்கி, மயிலை வாகனமாகவும், சேவலைக் கொடியாகவும் ஏற்றுக் கொண்டருளினார்.இதனால் மகிழ்ச்சியடைந்த தேவர்கள் துயர் களையப் பெற்றார்கள். அதனால் முருகப்பெருமானுக்குத் தன்னுடைய நன்றியைச் செலுத்தும் வகையில் இந்திரன் தன் மகளாகிய தெய்வானையை திருமணம் செய்து கொடுக்க விரும்பினான். இதன்படி முருகன் -தெய்வானை திருமணம் இந்த திருப்பரங்குன்றத்தில் நடந்தது. திருமண விழாவில் பிரம்மா விவாக காரியங்கள் நிகழ்த்த, சூரிய, சந்திரர்கள் ரத்ன தீபங்கள் தாங்கி நிற்க, பார்வதி பரமேஸ்வரர் பரமானந்தம் எய்தி நிற்க, இந்திரன் தெய்வயானையைத் தாரை வார்த்து கொடுக்க, முருகப்பெருமான், தெய்வானையைத் திருமணம் செய்து கொண்டதாகத் திருப்பரங்குன்றப் புராணம் கூறுகிறது.

முருகனின் அறுபடை வீடுகளில் இதுவே முதல் வீடு. இக்கோவிலில் முருகன் மணக்கோலத்தில் காட்சி தருகிறார். அறுபடை வீடுகளில் இங்கு மட்டுமே முருகன் அமர்ந்த கோலத்தில் உள்ளார்.

பாடியோர் : நக்கீரர், அருணாகிரி நாதர், சுந்தரர், மாணிக்கவாசகர் 

நடைதிறப்பு : காலை 5.30 மணி முதல் 1 மணி வரை,மாலை 4 மணி முதல் இரவு 9 மணி வரை திறந்திருக்கும்.

திருவிழாக்கள் : வைகாசி விசாகம், ஆடி கிருத்திகை, புரட்டாசி வேல் திருவிழா, கந்த சஷ்டி, திருக்கார்த்திகை, தைப்பூசம், பங்குனி உத்திரம்.

அருகிலுள்ள நகரம் : மதுரை . மதுரையில் இருந்து 10கிமீ தொலைவில் கோவில் உள்ளது. மதுரையில் இருந்து நேரடிபேருந்துகள் உள்ளது. 5, 14, 22, 48, 49 மற்றும்52 பேருந்து எண்கள் பெரியார் பேருந்து நிலையத்தில் இருந்து உள்ளது.

Leave a comment

LEAVE A REPLY